Guðrún Benedikta Elíasdóttir, fædd á Höfn í Hornafirði 1963. Hún útskrifaðist frá Myndlistar og Handíðaskóla Íslands 1987 og hefur einnig sótt námskeið í nokkrum löndum s.s. Noregi, Íslandi og Frakklandi. Árin 1995 til 1998 rak hún ásamt fleiri listamönnum Gallerí Skruggustein og vinnustofur í Kópavogi.

Guðrún var bæjarlistarmaður Kópavogs árið 1996.

Árið 1999 til 2000 bjó hún og starfaði í suður Frakklandi og var þar með einkasýningu auk þess að taka þátt í samsýningu. Einkasýningarnar eru orðnar 5 talsins, á Íslandi, í Frakklandi og Þýskalandi en auk þess eru tvær á dagskránni á þessu ári. Samsýningar eru orðnar vel á annan tuginn.

Guðrún hefur starfað sem myndlistarkennari í Kópavogi með hléum síðan 1987. Önnur störf er tengjast myndlist eru hönnun og uppsetning á sýningum, bókakápuhönnun og veggspjaldagerð. Hefur einnig myndskreytt sögur í tímaritum. Verk Guðrúnar eru í eigu Kópavogsbæjar, Sveitarfélagsins Hornafjörður, Landsbankans, Tryggingar hf. ofl. Guðrún vinnur helst með málverk, bæði acryl og vatnsliti þar sem umfjöllunarefnið er náttúran, maðurinn í náttúrinni, náttúran í manninum, samspil og tvíræðni.
Netfang: r.benedikta@gmail.com

Heimasíða