Sigurborg Stefánsdóttir stundaði nám í Kaupmannahöfn og útskrifaðist frá Skolen for Brugskunst ( Danmarks Design skole ) 1987.Hún hefur haldið 14 einkasýningar, á Íslandi, Danmörku og Ítalíu og tekið þátt í fjölda samsýninga víðsvegar um heim. Sigurborg hefur einnig fengist við myndskreytingar og bókagerð og var kennari við Myndlista- og  handíðaskóla Íslands 1989-2000 og stundakennari við Listaháskóla Íslands 2000 - 2011. Hún hefur fengið styrki til námsdvalar í Bandaríkjunum og Japan. Aðferðir við myndsköpun hennar eru ýmiss konar; málun, teikning, grafík, klippimyndir, ljósmyndir ofl. Myndefnið er fjölbreytt, ýmist fíguratíft eða nonfíguratíft.